༄༅།། ༧གོང་ས་ཡིད་བཞིན་ནོར་བུའི་སྐུའི་འཁྲུངས་སྐར་གྱི་རྟེན་འབྲེལ་མཛད་སྒོ།
༄༅།། བོད་ཆོས་སྲིད་གཉིས་ཀྱི་བླ་ན་མེད་པའི་དབུ་ཁྲིད། འཛམ་གླིང་ཞི་བདེའི་དེད་དཔོན། ༧སྤྱི་ནོར་༧གོང་ས་༧སྐྱབས་མགོན་༧རྒྱལ་བའི་དབང་པོ། ཐམས་ཅད་མཁྱེན་ཅིང་གཟིགས་པ་རྗེ་བཙུན་འཇམ་དཔལ་ངག་དབང་བློ་བཟང་ཡེ་ཤེས་བསྟན་འཛིན་རྒྱ་མཚོ། སྲིད་གསུམ་དབང་བསྒྱུར་མཚུངས་པ་མེད་པའི་སྡེ་དཔལ་བཟང་པོ་མཆོག་གིས་དགུང་གྲངས་བདུན་ཅུ་དོན་གསུམ་བཞེས་པའི་སྐུའི་འཁྲུངས་སྐར་གྱི་རྟེན་འབྲེལ་མཛད་སྒོ།
བོད་རྒྱལ་ལོ། ༢༡༣༥ ཕྱི་ལོ་ ༢༠༠༨ ཟླ་ ༧ ཚེས་ ༦ རེས་གཟའ་ཉི་མའི་ཉིན། བོད་ཀྱི་ནང་པའི་ཆོས་ཚོགས་བཀྲ་ཤིས་ཆོས་གླིང་དུ་དགྱེས་འཛོམས་གནང་གཏན་ཁེལ་བ་ལགས་ན། མགོན་པོ་གང་ཉིད་ཀྱི་བྱམས་བརྩེའི་འོད་སྣང་དཀར་པོའི་གུར་ཁྱིམ་དུ་འཚོ་བའི་ས་གནས་བོད་རིགས་རྣམས་དང་། འབྲེལ་ཡོད་དད་ལྡན་ཁག་གཤམ་གསལ་དུས་ཐོག་ཏུ་ངེས་ཕེབས་ཡོང་བར་དགའ་བསུ་ཞུ།
ཟླ་ཚེས།
ཕྱི་ལོ། ༢༠༠༨ ཟླ་ ༧ ཚེས། ༦ རེས་གཟའ་ཉི་མ།
དུས་ཚོད། སྔ་དྲོའི་ཆུ་ཚོད། ༡༠
ས་གནས། བོད་ཀྱི་ནང་པའི་ཆོས་ཚོགས་བཀྲ་ཤིས་ཆོས་གླིང་།
1889 Fiddle Stick Lane
Charlottesville, Virginia 22903 USA
མཛད་རིམ།
ཆུ་ཚོད། ༡༠ ཐོག་གཙུག་ལག་ཁང་གི་མདུན་ཐང་དུ་བོད་རྒྱལ་ཁབ་ཆེན་པོའི་རྒྱལ་གླུ་དང་། ལྷ་བསང་། སྐུའི་རླུང་ཁམས་དང་མཐུན་པའི་རླུང་རྟའི་དར་ཅོག་དམར་པོ་མཁའ་དབྱིངས་སུ་བསྒྲེང་རྒྱུ།
ཆུ་ཚོད། ༡༠ དང་། སྐར་མ། ༤༥ ཐོག་གཙུག་ལག་ཁང་དུ་ཕེབས་ནས་༧གོང་ས་ཡིད་བཞིན་ནོར་བུའི་སྐུ་པར་མཐོང་གྲོལ་རིན་པོ་ཆེར་མཇལ་དར་ཕུལ་ཞིང་གྲལ་དུ་འཁོད་རྒྱུ།
ཆུ་ཚོད། ༡༡ ཐོག་༧རྒྱལ་བའི་ཞབས་བརྟན་གསོལ་འདེབས་སོགས་ཞབས་རིམ་ཁག་གསུང་བཞིན་རྟེན་འབྲེལ་འབྲས་སིལ་དང་། གསོལ་ཇ་འདེགས་འབུལ།
ཆུ་ཚོད། ༡༢ ཐོག་ཉིན་གུང་གསོལ་ཚིགས།
ཆུ་ཚོད། ༢ ཐོག་༧གོང་ས་མཆོག་གི་མཛད་རྣམ་སོགས་འབྲེལ་ཡོད་གློག་བརྙན་ཁག་ཅིག་གཟིགས་འབུལ་དང་འབྲེལ་མཛད་སྒོ་རྒྱལ་ཁའི་ངང་མཇུག་རྫོགས་རྒྱུ།
༄༅།། ཀུན་ཁྱབ་བྱམས་བརྩེ་ཞི་བདེའི་སྤོབས་པ་མཐོ།།
འཛམ་གླིང་གངས་དཀར་ལྷུན་པོའི་རྩེ་རུ་འགྱིང་།།
རིས་མེད་རི་སྐྱེས་ནོར་འཛིན་སྐྱོང་བའི་མགོན།།
༧རྒྱལ་མཆོག་གངས་སེང་དཀར་མོ་རྟག་ཏུ་རྒྱལ།།